Mércores, 16 Maio 2018Terra de Celanova e a Baixa Limia unidos para crear un novo xeodestino
Os alcaldes e alcaldesas de Terra de Celanova e os da Baixa Limia, formalizaron onte un acordo para a creación dun novo xeodestino, co propósito de xestionar en común e dar visibilidade aos recursos turísticos e gastronómicos dos municipios participantes.
Por parte de Terra de Celanova os concellos adheridos son A Bola, A Merca, Cartelle, Celanova, Gomesende, Quintela de Leirado, Padrenda, Pontedeva, Ramirás y Verea; en canto á Baixa Limia, participarán os cinco concellos que compoñen esta comarca: Lobios, Lobeira, Muiños, Entrimo e Bande.
Ademais das aportacións económicas dos municipios en base ao seu tamaño, o proxecto, contará coa participación do Inorde e da Axencia de Turismo da Xunta de Galicia.
Programa "INICIATIVA XOVE"
A Dirección Xeral de Xuventude, Participación e Voluntariado, da Xunta de Galicia, convoca o programa Iniciativa Xove que consiste en axudas económicas para a posta en marcha de iniciativas xuvenís.
A finalidade das subvencións é fomentar e consolidar a participación libre e eficaz da mocidade no desenvolvemento político, social, económico e cultural, así como promover a adecuada utilización do lecer, a calidade de vida e o benestar dos mozos e mozas da nosa comunidade autónoma, a través de proxectos integrais e específicos de actuación.
Xornada informativa sobre a Vespa Velutina
O próximo luns, 21 de maio, ás 19:00 hs, no Centro Social e Xuvenil do Picouto (Ramirás).
Entrada libre.
Os 100 anos de Vilavidal no programa "Vivan as tardes"
Hoxe martes, 8 de maio, o programa da TVG, "Vivan as tardes", recibe á Asociación dos 100 anos de Vilavidal.
Farán un percorrido pola traxectoria desta localidade do noso concello, que cumpre un século dende o asentamento da familia Vidal, a primeira en chegar ao pobo que tomaría o seu nome.
No caso de que non poidades ver en directo o programa, poderedes facelo posteriormente, nesta ligazón http://www.crtvg.es/tvg/programas/vivan-as-tardes-1
Novo contedor de roupa e calzado
Virxe de Guadalupe do Abeledo
A parroquia de Casardeita celebra esta fin de semana a romaría da Virxe de Guadalupe, xuntando un ano máis, a veciños e visitantes.
Compartimos unhas imaxes da celebración da procesión e a misa, e a posterior comida parroquial.
Actividades culturais e deportivas no Concello de Ramirás
O Concello de Ramirás, dentro do seu programa de actividades culturais e deportivas, organiza as seguintes actividades:
-
Clases de MÚSICA TRADICIONAL GALEGA, nas que se imparten, gaita tradicional, percusión e baile galego. Destinado aos veciños/as de Ramirás.
Anxeles Vázquez, Conselleira de Medio Rural, visitou Ramirás
A Conselleira de Medio Rural, Anxeles Vázquez, estivo o pasado mércores no noso concello, interesándose polo noso rural e coñecendo de primeira man, os proxectos promovidos pola Axencia de Desenvolvemento Rural (ADERCOU) dentro do programa Leader.
Dende o concello queremos agradecerlle o seu interese e a súa visita.
Campamentos de verán 2018 da Xunta de Galicia
-
A Dirección Xeral de Xuventude, Participación e Voluntariado, abre a convocatoria para participar nos campamentos de verán e nos campos de traballo para o verán do 2018.
- Máis información e solicitudes en http://xuventude.xunta.es/accion-de-veran
Terra de Celanova primeiro clasificado na Edición 2017 dos Premios Coopera
A Mancomunidade Terra de Celanova recibíu onte o primeiro premio da sexta edición dos Premios Coopera Galicia da Xunta de Galicia, dotado con 40.000 €.
O proxecto premiado, no que o Concello de Ramirás é membro e colaborador no seu desenvolvemento, pon o seu foco en fomentar a igualdade e erradicar a violencia de xénero, con actividades de diversa índole, como son a implantación de aulas de conciliación, apoio nas tarefas do fogar, aulas formativas para mulleres, entre outras.
Asinado o convenio que permitirá a renovación da iluminación exterior
Onte, os concellos de Terra de Celanova e da Baixa Limia, asinamos un convenio coa Deputación de Ourense, que permitirá a renovación da instalación de iluminación exterior. O orzamento por cada un dos municipios, ascende a 65.000 €, cofinanciados polo FEDER (80%), pola Deputación de Ourense (15%) e por cada concello (5%)
Este proxecto, forma parte do Programa operativo FEDER de crecemento sostible para o período 2014-2020, que pon o seu foco en axudar a entidades locais que favorezan o paso a unha economía baixa en carbono.
Curso de excarcelación e primeiros auxilios para as brigadas forestais
Durante os días 9 e 10 de abril, impártese, nas instalacións da antiga escola de Freás de Eiras, un curso de excarcelación e primeiros auxilios que ten como destinatarios, as brigadas forestais da Xunta de Galicia.
As xornadas formativas corren a cargo do grupo de bombeiros das Terras de Celanova.
O Concello de Ramirás participa moi activamente nesta e noutras actividades, en colaboración coas institucións e administracións públicas, en materia de prevención e loita contra o lume.
Taller de RISOTERAPIA
A RISOTERAPIA é unha técnica psicoterapéutica tendente a producir beneficios mentais e emocionais a través da risa, axudando á eliminación do estrés, tensións e ansiedade.
No Concello de Ramirás, en colaboración coa Deputación de Ourense, impartirase un taller a partir do mes de maio, no Centro Social do Picouto, os mércores, de 16:30 a 18:00 hs., para todos os veciños que desexen participar.
Festa para conmemorar o centenario da primeira casa de Vilavidal
Adxudicado o acondicionamento dun novo tramo da estrada entre Vilavidal e Outomuro
As obras de reacondicionamento da estrada OU-0214, que comunica Ramirás con Cartelle, abarcarán un treito duns 200 metros, na marxe esquerda do Río Arnoia.
O orzamento de 60.000 €, incluido dentro do plan provincial da Deputación de Ourense, cubrirá o ensanche da estrada a altura de A Pontenova e a construción de beirarrúas, a continuación das feitas hai dous anos ás aforas de Vilavidal.
O abastecemento de auga chega a Margarideiros e Partida
Finalizadas as obras de abastecemento de auga, aos pobos de Margarideiros e Partida, que ata agora non contaban con este servizo.
As obras, que contaron coa subvención por importe de 45.000 €, da Deputación de Ourense, permiten, por primeira vez, que a auga da traída chegue ás billas dos veciños destes pobos.
Unha grande satisfacción para o concello participar na implantación de servizos que melloran sustancialmente, a calidade de vida dos veciños. Noraboa a Margarideiros e Partida!
Visita de José Manuel Baltar, Presidente da Deputación de Ourense
O día de onte, recibimos a visita de José Manuel Baltar, Presidente da Deputación de Ourense, co que percorrimos distintas localidades do noso concello. No encontro, fixemos un repaso aos proxectos que actualmente levamos da man, como a estrada e accesos a Vilavidal.
Ademais, esbozáronse futuros proxectos, como o acordo de equipamento cultural referidos a antiga escola do Picouto, entre outros.
Convocatoria de selección dun/ha Técnico Educador/a Infantil - Proceso finalizado
Convocadas as probas para a obtención dos certificados CELGA
Publicada a convocatoria 2018 para a realización das probas para a obtención do certificado de lingua galega: niveis Celga 1, 2, 3 e 4. Procedemento ED114A
Presentación de solicitudes e máis información sobre este procedemento, nesta ligazón.
Convocadas as probas de avaliación e competencias clave
Dirixido a todas as persoas que desexen realizar as probas de avaliación e competencias clave para o acceso ás accións formativas dos novos certificados de profesionalidade de nivel 2 e 3 de cualificación profesional da formación profesional para o emprego no ámbito da Comunidade Autónoma de Galicia.
Prazo de presentación de solicitudes: 27/02/2018 - 23/03/2018
Toda a información e presentación de solicitudes en liña, no seguinte enlace: https://sede.xunta.gal/detalle-procedemento?codtram=TR306A
Recibimos un tractor para os traballos de roza e desbroce
A Concellería de Medio Rural, de mans da Delegada Territorial Marisol Díaz Mouteira, entregou onte ao concello un tractor que axudará a manter limpos de maleza as infraestruturas municipais.
Subvencións Deputación de Ourense, para clubes deportivos e asociacións culturais sen ánimo de lucro
No BOP do 30.01.2018 publícanse as bases da convocatoria de Subvencións Deputación de Ourense, para clubes deportivos e asociacións culturais sen ánimo de lucro.
Programa de prestación por fillas e fillos menores de tres anos. (Procedemento BS410A)
Subvencións a particulares para proxectos de enerxías renovables e biomasa.(IN421I)
O obxecto destas subvencións é apoiar proxectos promovidos polos particulares e as súas agrupacións e asociacións con fins de aforro enerxético e fomento do uso das enerxías renovables. Os proxectos limitaranse a instalacións para a xeración de enerxía térmica mediante equipamentos que utilicen biomasa como combustible e outras instalacións de enerxías renovables que utilicen como fonte enerxética a xeotermia, a aerotermia ou a solar.
Prazo de presentación de solicitudes: do 21.02.2018 ao 20.03.2018
Subvencións para proxectos de investimento en empresas non agrícolas.
Estas axudas consisten en subvencións directas de capital para mellorar, ampliar e/ou modernizar as empresas existentes que desenvolven actividades non agrícolas en zonas rurais, mediante o apoio á adquisición de equipamentos produtivos e a execución de obras necesarias para a súa instalación, co fin de reforzar o tecido empresarial no territorio rural galego e mellorar a súa competitividade, inducir á xeración de novos empregos, consolidar os existentes e, en última instancia, dinamizar a economía dos territorios rurais. Procedemento MR708B, que xestiona a xestiona a Axencia Galega de Desenvolvemento Rural (Agader).
Máis información e presentación de solicitudes
Convocadas as probas libres para a obtención dos títulos da ESO e do BACHAREL
- Procedemento ED540A - Inscrición nas probas para a obtención do título de graduado en educación secundaria obrigatoria para persoas maiores de dezaoito anos.
Prazo de presentación de solicitudes:
Convocatoria de maio:12/03/2018 - 23/03/2018
- Procedemento ED534A - Inscrición na proba para a obtención do título de bacharel para maiores de vinte anos.
Prazo de presentación de solicitudes: 23/02/2018 - 09/03/2018
A delegada territorial e a directora xeral de infancia, da Xunta de Galicia, visitaron a ampliación do Punto de Atención Infantil
Hoxe, contamos no noso concello coa presenza de Marisol Díaz Mouteira, delegada territorial da Xunta de Galicia, acompañada de María Amparo González Méndez, directora xeral de familia, infancia e dinamización demográfica.
O obxecto da súa visita foi a supervisión do Punto de Atención Infantil (PAI) do Viso, cuxas instalacións acaban de ser ampliadas e re-acondicionadas para dar maior cobertura e comodidade aos cativos do noso concello. As obras desenvolvidas, contaron coa colaboración económica da Xunta de Galicia, que aportou 14.000 euros a tal feito.
Dende o Concello, queremos agradecer ás dúas a súa presenza, así como a agarimosa atención cos nosos pequechos.
O presidente do Parlamento de Galicia recibe ao noso alcalde e ao presidente da Asociación Rebulir.
Esta tarde, o noso alcalde, Juan Carlos Rodríguez, xunto co presidente da Asociación Cultural Rebulir, Alexandre Sotelino, foron recibidos polo presidente do Parlamento de Galicia, Miguel Ángel Santalices Vieira, no seu despacho da Cámara galega , quen coñeceu de primeira man as diferentes iniciativas que están a desenvolver, no Concello de Ramirás, no ámbito da preservación e difusión da cultura galega.
Miguel Ángel Santalices, felicitou a Juan Carlos Rodríguez e Alexandre Sotelino polo recente premio Xabier Prado "Lameiro", outorgado á Asociación Rebulir o pasado venres como recoñecemento ao labor cultural que esta entidade ven desenvolvendo con grande repercusión.
Subvención aluguer social (Plan rehavita).
AVISO: Auga apta para o consumo.
Subvención da Xunta de Galicia destinada a asociacións veciñais
Procedemento PR487A - Subvencións en réxime de concorrencia non competitiva dentro do plan específico extraordinario de investimentos destinado a asociacións veciñais de Galicia de veciños, confederacións, federacións ou unións de asociacións de veciños de Galicia, comunidades de usuarios de augas e asociacións de mulleres rurais de Galicia.
Prazo de solicitudes: 06.01.2017 a 05.02.2017
Acceder ás bases da convocatoria e solicitudes.
Próxima convocatoria de axudas dirixida á "Ampliación e modernización de todo tipo de pequenas empresas que desenvolven actividades non agrarias"
Por si resulta do teu interese, anunciámoste que Agader a través do DOG publicará o 29 de xaneiro de 2018 unha nova convocatoria de axudas dirixida á "Ampliación e modernización de todo tipo de pequenas empresas que desenvolven actividades non agrarias", dentro da medida 6.4 "Investimentos en actividades non agrarias" do PDR de Galicia 2014-2020.
Obituario: Falece en Venezuela, José Sousa, premio ourensanía 2016
O pasado domingo, na súa casa de Venezuela, faleceu José Sousa, veciño de Ver, en Casardeita de Ramirás.
José Sousa, produtor con case 40 películas asinadas baixo o selo da súa produtura, Xenón Films, recibiu no ano 2016 o Premio Ourensanía, das mans do Presidente da Deputación de Ourense, José Manuel Baltar, coa presenza do Presidente da Xunta de Galicia, Alberto Núñez Feijóo.
Dende o Concello de Ramirás, queremos mostrar o noso pesar por esta triste noticia e achegar un forte abrazo as súas dúas fillas.
Encontro do Consello da Rede de Dinamización Lingüística
Onte, en Xinzo de Limia, tivo lugar a sesión ordinaria do Consello da Rede de Normalización Lingüística, na que o noso alcalde, participou nunha ocasión máis.
Programa de Apoio á Natalidade da Xunta de Galicia - TARXETA BENVIDA
Publicada hoxe no Diario Oficial de Galicia, a convocatoria para a concesión da Tarxeta Benvida, dentro do Programa de Axuda á Natalidade da Xunta de Galicia.
Esta axuda instrumentalízase a través do cartón benvido, cuxo obxectivo é adquirir produtos básicos para a nena ou neno, como leite e outros alimentos infantís, cueiros, roupa, artigos de paseo e de viaxe, produtos de hixiene infantil ou produtos farmacéuticos; unicamente, poderá ser empregada en farmacias, parafarmacias, supermercados, tendas de alimentación e establecimentos de puericultura ou especializados en artigos e produtos para a infancia
Gala central XII Festival Internacional Rebulir
Hoxe sábado, 16 de decembro, celebrouse a gala central do XII Festival Internacional Rebulir, no polideportivo de O Picouto en Ramirás.
O evento contou cunha ampla representación de personalidades do mundo da cultura e da política provincial e autonómica.
Nesta gala entregáronse os premios Rebulir 2017, en distintas categorías a, Xosé Ramón Gayoso, Uxía e Lois Antón.
Agrupacións de Castela León, Euskadi, Portugal, Ecuador e Ucrania, ademáis de Rebulir de Ramirás, o grupo anfitrión, espuxeron o su folclore ante o amplo público asistente.
(Preme na imaxe para acceder á galería)
Oferta de emprego: Dous traballadores/as para peóns de obras públicas e creación de bolsa de traballo
Oferta de emprego: Dous traballadores/as para peóns de obras públicas e creación de bolsa de traballo, subvencionado polo programa APROL RURAL. Ler Bases de selección.
Transporte público baixo demanda
A partir do 21 de decembro, co inicio das vacacións escolares, máis e novos servizos empezan a funcionar baixo demanda.
Podes reservar a túa praza ata as 20 horas do día laborable anterior. no teléfono 988 68 78 00.
Apertura oficial do XII Festival Internacional Rebulir
Esta mañá, no Pazo Provincial da Deputación de Ourense, tivo lugar a apertura oficial e roda de prensa do XII Festival Internacional Rebulir, coa presenza de Mari Sol Díaz (Delegada Provincial da Xunta de Galicia), Cecilia Vázquez (Directora Xeral de Xuventude), Manuel Doval (Deputado provincial e Tenente Alcalde do Concello de Pereiro de Aguiar), Alexandre Sotelino (Director da asociación Rebulir), e o noso Alcalde Juan Carlos Rodríguez), entre outras personalidades e asistentes.
O festival contará entre os días 14 e 17 de decembro, cun amplo programa de eventos para todos os públicos, -obradoiros, degustacións gastronómicas, animación de rúa, actuacións de grupos musicais e folclóricos...-
Agardámoste!!
Ver programa XII Festival Internacional Rebulir - 2017
AVISO Corte suministro de luz
Para a reparación definitiva das avarías producidas polo temporal, nos pobos de Picouto, Paizás, Freás, Corredoira, San Cristovo, Vilariño, Vilagarcía, Fraguas e Vilaboa, mañá mércores, 13 de decembro, haberá un corte no suministro eléctrico a partires das 15:00 hs. e cunha duración aproximada de dúas horas.
Ampliación do Punto de Atención á Infancia (PAI)
Rematadas as obras de ampliación da gardería municipal, ou tamén chamada Punto de Atención á Infancia (PAI).
Os traballos realizados consisten en habilitar unha zona para almacén e peche do alpendre con galerías de aluminio. Estas reformas, permitirán gozar, tanto o persoal como os pequechos, dunhas instalacións máis amplas e acolledoras.
O orzamento, conta coa cofinanciación dos Fondos Europeos FEDER Galicia 2014-2020.
Día de Santa Cecilia, patroa dos músicos
Comezamos a temporada de vialidad invernal
Coa colaboración dos bombeiros da Mancomunicade Terras de Celanova, inícianse os traballos de reparto de fundentes nas estradas municipais que máis o precisan.
Estas accións lévanse a cabo para minimizar os riscos de accidentes de tráfico incrementados polas xeadas en zonas especialmente perigosas.
Aconsellamos moita precaución e atención na condución, nestas datas de baixas temperaturas.
 |
 |
Atribución da titularidade dos predios non agrícolas
Na mañá de hoxe, tivo lugar nas dependencias de AGADER, o acto de entrega dos títulos de propiedade dos predios catalogados como non agrícolas.
En representación do concello, o noso Alcalde, Juan Carlos Rodríguez, recibíu, da man da Conselleira de Medio Rural, Ángeles Vázquez, os documentos que acreditan á cesión de titularidade destes terreos en favor do Concello de Ramirás.
 |
 |
Ampliación da gardería municipal
Comezaron as obras de ampliación da gardería municipal, ou tamén chamada Punto de Atención á Infancia (PAI).
Unha vez rematados os traballos, tanto o persoal como os pequechos, poderán gozar dunhas instalacións máis amplas e acolledoras.
O orzamento, conta cunha subvención, da Consellería de Política Social, que ascende a 14.000 euros.
Obradoiro "Iniciación á confección do traxe tradicional"
O 25 de novembro, no Centro Cultural de San Andrés (Ramirás), dará comezo o Obradoiro "Iniciación á confección do traxe tradicional". A súa impartición correrá da man da fiandeira Rosa María Iglesias.
Este taller, de carácter gratuíto, está dirixido a mozos e mozas de 14 a 30 anos, e contará con 40 prazas.
Para máis información e inscricións contactar co Concello de Ramirás, 988491523 - Este enderezo de correo está a ser protexido dos robots de correo lixo. Precisa activar o JavaScript para velo.
Organiza: Concello de Ramirás Patrocina: Deputación de Ourense Colabora: Rebulir Asociación Cultural e Xuvenil.
Así foi a II Xornada de lance e montaxe de pesca en Ramirás
Hoxe sábado, 18 de novembro, tivo lugar en A Pontenova-Ramirás a II Xornada de lance e montaxe.
Unha fantástica oportunidade na que os afeccionados á pesca, chegados de Castela-León e as catro provincias de Galicia, profundaron sobre as técnicas de pesca fluvial, na bela paraxe de A Pontenova.
Preme na imaxe para acceder ao álbum de como foi o transcurso do día:
Magosto veciñal
Un ano máis, celebramos o Magosto cos veciños. A xuntanza realizouse no Centro Social e Xuvenil do Picouto.
Non faltaron as viandas típicas da data, carne, chourizos..., e tampouco faltou a espirituosa queimada. Todo elo, amenizado pola música tradicional.
Moitas grazas a todos os participantes, veciños, familiares, amigos, e grazas dobres aos organizadores e colaboradores que fixeron un ¡moi bo traballo!
(Preme na imaxe para acceder á galería de fotos)
II Xornada de lance e montaxe en Ramirás
O próximo sábado, 18 de novembro, terá lugar en Ramirás a II Xornada de lance e montaxe, na que colabora o Concello de Ramirás.
Unha fantástica oportunidade para que os afeccionados á pesca profunden sobre as técnicas de pesca fluvial, na bela paraxe de A Pontenova.
O programa previsto é o seguinte:
- Demostración de lance en A Pontenova (Ramirás). Por Manuel Iglesias e Roberto Caldeiro (10:30 hs.)
- Presentación e proba de canas Marryat.
- Exposición de material de pesca. Deportes Cibeira e Riberfly.
- Montaxe de moscas artificiais en Bar Restaurante O Retiro (Vilavidal-Ramirás). Por Ricardo Bergaz Lozoya, Miguel Ángel Montoto e outros grandes montadores.
Máis información: 626 064 866 - 627 359 780 https://www.facebook.com/amoscaramiras/
Acondicionado o local social de Casardeita
O Concello de Ramirás, investíu 12.000 euros nas obras de acondicionamento do Centro Social de Casardeita.
Os veciños desta parroquia xuntáronse onte para celebrar, con música e viandas, a rehabilitación deste local, agora máis cómodo e axeitado, onde realizar as súas actividades e reunións.
MR616A - Axudas para reposición de infraestruturas e equipamentos privados danados e por danos nas explotacións agrícolas e gandeiras ocasionados polos incendios forestais.
Convócanse as axudas, en réxime de concorrencia non competitiva por rateo, destinadas á reposición de infraestruturas e equipamentos privados danados e por danos a explotacións agrícolas e gandeiras afectadas polos incendios, no eido competencial da Consellería do Medio Rural (Procedemento MR616A)
Ver bases da convocatoria e solicitudes
Visita do Tenente Coronel da Garda Civil de Ourense
Hoxe, recibimos en Ramirás, ao Tenente Coronel Manuel Javier Novo, xefe da Comandancia da Garda Civil de Ourense.
O Alcalde, Juan Carlos González xunto coa súa Tenente de Alcalde, María Ledo, acompañaron ao Tenente Coronel na súa visita ao cuartel da Garda Civil de Freás de Eiras, localidade do noso Concello.
Encontro co Presidente da Deputación de Ourense
O Alcalde de Ramirás, Juan Carlos Rodríguez, reuníuse no día de onte, co Presidente da Deputación de Ourense, José Manuel Baltar, para avaliar a situación actual dos proxectos en común.
No encontro tamén participou o Alcalde do concello de Pontedeva, Juan Carlos González.
Campaña informativa sobre a reciclaxe
O luns, 30 de outubro, de 11:00 hs. a 13:30 hs. estará unha carpa informativa sobre a reciclaxe no CEIP Rogelio García Yáñez. Darannos información sobre como separar os residuos e máis consellos de interese para reciclar e axudar ao medio ambiente.
Inícianse as obras de abastecemento no núcleo das Rozas
No núcleo das Rozas, na parroquia de Rubiás, acábanse de iniciar as obras de abastecemento para dar servizo á poboación do lugar.
A inversión, que ascende a 40.000 euros, está subvencionada ao 60% pola Xunta de Galicia.
Acondicionamento do acceso da Igrexa de Rubiás e Margarideiros
Dentro do Plan Marco 2017 de AGADER - Axencia Galega de Desenvolvemento Rural, estanse a desenvolver as obras de aconcidionamento do acceso da Igrexa de Rubiás e Margarideiros. O investimento ascende a 20.000 €
Mellora de accesos a Margarideiros e a Pazos
Dentro do Plan de Mellora de camiños municipais 2017-2018, estanse a levar a cabo os traballos de acondicionamento de accesos a Margarideiros e a Pazos - O Rial de Paizás.
O investimento ascende a 42.713 €, no que a Xunta de Galicia participa coa cantidade de 36.274 €, aportando o restante o Concello de Ramirás.
Canalización de augas pluviais no acceso a Margarideiros
Iniciadas as obras de recollida de augas pluvialis no acceso a Margarideiros. A obra está subvencionada pola Xunta de Galicia.
Xornada cos Bombeiros da Mancomunidade Terras de Celanova
Intensa xornada compartida co Corpo de Bombeiros da Mancomunidade Terras de Celanova, á que pertence o Concello de Ramirás. Unha demostración e posta en práctica do traballo que desenrolan na intervención en accidentes de tráfico.
Houbo tamén, unha mostra do equipamento e ferramentas que a diario usan no seu labor.
Outro dos fincapés, fíxose na importancia da prevención de accidentes e consellos de como proceder si nos atopamos nesas circunstancias.
Desde o Concello de Ramirás queremos agradecer á implicación e a profesionalidade de tódolos membros do Corpo de Bombeiros, e a todos os que colaboran con esta agrupación, facendo que as nosas estradas sexan máis seguras.
Comezan os obradoiros de Axuda a domicilio e Atención sociosanitaria en institucións
Hoxe, demos comezo novos obradoiros organizados pola Mancomunicade Terras de Celanova, á que pertence o noso Concello. Nesta ocasión, inícianse dous cursos de Axuda a domicilio e un curso de Atención Sociosanitaria en institucións sociosanitarias, todos eles orientados a persoas dependentes.
As alumnas participantes, recibirán unha completa formación durante os vindeiros 9 meses, nunhas profesións con moi alta inserción no mercado laboral.
Presentación dun obradoiro de Albañilería
Hoxe, no salón de plenos do noso concello, tivo lugar a presentación dun obradoiro de albañilería, coa implicación dos concellos de Ramirás, Cartelle e a Merca.
Neste módulo profesional denominado "Río Arnoia", participan un total de 20 alumnos, que recibirán formación especializada nunha das profesións máis demandadas na nosa contorna, co obxectivo final de lograr a súa inserción no mercado laboral unha vez finalizado o curso.
Curso de Seguridade viaria no CEIP Rogelio García Yáñez
Os bombeiros da Mancomunidade Terras de Celanova e a Policía Local de Celanova, impartiron un curso de seguridade viaria no CEIP Rogelio García Yáñez de Ramirás.
Os alumnos participaron moi activamente nos trazados postos a efecto de aprender a circular nas vías incrementando a seguridade. Tamén tiveron a oportunidade de coñecer o traballo dos bombeiros e da policía local, así como os vehículos e o equipamento que utilizan no seu día a día.
Axudas á adquisición de materiais para a reforma de baños e cociñas
Publicadas, no Diario Oficial de Galicia de onte, día 27 de setembro, a convocatoria de axudas de IGAPE para a adquisición de materiais e pezas de mobiliario utilizados nas reformas de cociña e baño. (Procedemento IG200B)
O prazo de presentación de solicitudes comeza o 11 de outubro e finaliza o 17 de novembro de 2017.
Toda a información sobre as bases así como a presentación de solicitudes está dispoñible nesta ligazón.
Novos colectores de aceite doméstico en Tellado e Picouto.
Programa Termalismo Social 2017
Aberto o programa Termalismo Social 2017, co que poderás gozar de estancias e tratamentos terapéuticos nos distintos balnearios da provincia con tarifas moi ventaxosas.
Máis información e solicitudes na web http://www.termalismourense.com
Horarios e itinerarios transporte público de viaxeiros
Percorridos e horarios dos autobuses de liña que pasan por Ramirás, tras a nova reforma do transporte de viaxeiros.
.
Axudas para a adquisición de libros e material escolar, para o curso 2017-2018
O Concello de Ramirás convoca axudas para a adquisición de libros e material escolar para alumnos de educación infantil (segunda etapa), educación primaria e secundaria obrigatoria, para o curso 2017-2018
15 municipios ourensáns recibirán parcelas do Banco de Terras
No día de onte, celebrouse unha reunión entre representantes de quince concellos ourensáns e a dirección da Axencia de Desenvolvemento Rural. A finalidade do encontro era a exposición do proceso do traspaso de fincas do Banco de Terras sen utilidade agraria a os municipios participantes, Ramirás entre eles.
Neste encontro, expuxéronse cada unha das 205 parcelas que pasarán a ser titularidade municipal dos quince concellos asistentes.
O seguinte paso, é o estudo do plan de cesión, por parte de cada un dos concellos, para presentar suxestións se fóra preciso.
Subvención para a instalación de ascensores e outros dispositivos de accesibilidad
A Xunta de Galicia publicou no DOG do 4 de setembro, as bases que rexerán a concesión, a través dun procedemento de concorrencia non competitiva, de subvencións para a instalación de ascensores e outros dispositivos de accesibilidade en edificios de tipoloxía residencial colectiva, nas súas vivendas dúplex, así como en vivendas unifamiliares que carezan deles.
O prazo de solicitudes vai dende o 05/09/2017 ata o 02/11/2017.
Preme aquí para máis información e solicitudes.
Constituído o xurado dos premios rebulir 2017
Sta.Bárbara 2017 en Escudeiros - Ramirás
Festa na honra de Santa Bárbara, en Escudeiros - Ramirás.
Días 2 e 3 de setembro.
Programa de actividades.
Programa da presentación do libro "VERSOS DUN FISTOR REPUBLICANO, MARXISTA, ATEO E UN POUCO PICÚREO" de Xesús Alonso Montero
Aviso "revisores da auga"
Continúan as obras na rúa dos Amedos
Dentro do Plan Provincial continúan as obras na rúa dos Amedos. Tras a preparación do vial, tócalle a quenda ás incorporación de beirarrúas, incrementando deste xeito a seguridade e comodicade para viandantes e conductores.
Rehabilitación do Centro Social de Casardeita
Estanse a levar obras de rehabilitación no Centro Social de Casardeita, que o acondicionarán para o uso e disfrute de todos os veciños. Estas intervencións fináncianse con fondos íntegramente do Concello, grazas aos acordos alcanzados.
Subvencións para a rehabilitación de fachadas e cubertas de vivendas
A Consellería de Economía, Emprego e Industria, da Xunta de Galicia, convoca subvencións para a rehabilitación de fachadas con granito e cubertas con tella cerámica, de edificacións de vivenda existentes. Con elo preténdese contribuír a embelecer o tecido construtivo galego cuns materiais de fácil colocación e respectuosos co ambiente á vez que se mellora a eficiencia enerxética.
Acondicionamento e limpeza de máis de 8 km. de pistas forestais
Estanse a realizar traballos de acondicionamento e limpeza en máis de 8 quilómetros de pistas forestais ao redor de núcleos de poboación. Estes traballos, levados a cabo polo Concello coa colaboración da Deputación Provincial, atenden ao plan de prevención contra o lume.
As parroquias atendidas son, Casardeita, Paizas, Freás de Eiras, San Andrés, Escudeiros, Penosiños e Rubiás.
Limpeza e acondicionamento de canles e tanques
Aproveitar ao máximo as reservas de auga é vital para unha boa xestión do medio ambiente e a prevención de incendios, máxime nunha época de escaseza de choivas como a que estamos a vivir. Con ese obxecto, están a realizarse traballos de limpeza e acondicionamento de canles e tanques. Nesta ocasión, as imaxes corresponden ás parroquias de Rubiás, Freás de Eiras e San Andrés.
Continúan os traballos de roza na OU-400
Co obxecto de previr os incendios forestais e limpar de maleza os lindes da estrada OU-400 continuamos cos traballos de roza. Estes días as intervencións tiveron lugar na parroquia de Mosteiro.
Próximas intervencións no cruzamento de San Andrés e en Pambre.
REBULIR Cultura Tradicional organiza a ROMARIA DE REBULDEIRA
O sábado 1 de xullo, na área recreativa de Pontenova, con motivo do peche do curso 2016/2017, terá lugar a ROMARÍA de REBULDEIRA, organizada por Rebulir Cultura Tradicional coa colaboración deste concello.
Soterramento do abastecemento en Calvos
Traballos de soterramento das liñas de abastecemento en colaboración cos veciños do pobo de Calvos.
Desenrolando os acordos municipais.
Exposición pública para a notificación colectiva de padróns fiscais do imposto de bens inmobles urbana e rústica correspondente ao exercicio 2017.
3ª KDD BTT VAL DE RAMIRÁS
A cita foi hoxe, domingo día 11 de xuño. Un ano máis a BTT Val de Ramirás tivo éxito de participación con máis de 150 bikes.
Ramirás participa no Rallye de clásicos de Ourense
Ciclo de cine en homenaxe a noso veciño, José Sousa
Ciclo de cine en homenaxe ao noso veciño Nosé Sousa (Natural de Ver, Casardeita) Productor e director de cine internacional.
Premio Ourensanía 2016.
As proxeccións terán lugar no Centro Cultural de Picouto.
A primeira proxección será o sábado día 27 de maio ás 17:00 hs, coa filme "EL MANZANO AZUL"
Bono Concilia. Axuda para renovación de praza/novo ingreso en escolas infantís particulares. (Programa BS403A)
A Xunta abre hoxe o prazo de solicitude do Bono Concilia ás familias con fillos e fillas menores de tres anos.
Aberto o prazo para solicitar as axudas para a compra de libros de texto e material escolar de cara ao curso 2017/18. (Procedemento ED330B)
Publicadas as axudas da Consellería de Cultura, Educación e Ordenación Universitaria, para a compra de libros e material escolar.
Prazo de presentación: 23/05/2017 - 23/06/2017.
"Iniciativa xove", axudas para a posta en marcha de iniciativas xuvenís
Segunda edición do programa WORK Celanova
Celebración da romaría na hora da Virxe de Guadalupe
Onte, 6 de maio, a parroquia de Casardeita, celebrou a romaría na honra da virxe de Guadalupe de Abeledo.
Visita da Delegada da Xunta a Ramirás
O Concello de Ramirás recibiu hoxe a visita da Delegada da Xunta de Galicia en Ourense, Marisol Díaz Mouteira. No encontro que mantivo co noso alcalde, Juan Carlos Rodríguez, e outros membros da corporación, este transmitiulle unha serie de demandas para axudar ao desenvolvemento do noso territorio.
Trala reunión, a Delegada, tivo interese por coñecer as recentes intervencións levadas no noso Concello, como a mellora de camiños municipais, como o de Mosteiro a Coveliñas, entre outras.
BS306B - Programa de axudas INICIATIVA XOVE
A finalidade das subvencións é fomentar e consolidar a participación libre e eficaz da mocidade no desenvolvemento político, social, económico e cultural, así como promover a adecuada utilización do lecer, a calidade de vida e o benestar dos mozos e mozas da nosa comunidade autónoma, a través de proxectos integrais e específicos de actuación.
XI edición da Noite de Fiadeiro
O 13 de maio, é a data elixida para celebrar, un ano máis, a XI edición da Noite de Fiadeiro, organizada por REBULIR Cultura Tradicional, e co patrocinio e colaboración do Concello de Ramirás, entre outras entidades.
Desde as 11 da mañá, na localidade de Vilavidal (Ramirás), levarán a cabo distintas actividades, eventos culturais e unha feira de produtos astesanales e gastronómicos, todo iso amenizado con música tradicional.
Unha xornada que promete festa e diversión para todos!
IG406F - Axudas do Igape para novos emprendedores, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2014-2020.
Publicadas as bases reguladoras das axudas do Igape para novos emprendedores e convocadas para 2017 as ditas axudas en réxime de concorrencia competitiva.
Os proxectos deberán cumprir os seguintes requisitos:
Campamentos de verán 2017
BS613B - Axudas individuais para a adquisición de servizos de promoción da autonomía persoal e a adquisición de servizos complementarios de asistencia persoal, para persoas con discapacidade.
Máis novas e eventos